ـ فتقی لا ڕان یەکێکە لە هەرە باوترین حاڵەتە نەشتەرگەریەکان کە لە منداڵان ڕوودەدات بە ڕێژەی (١ـ٥%).

*هۆکارەکان:-

١-لە ئەنجامی دانەخرانی بەشێکی پەردەی پێریتۆنی درووست دەبێت ، کە سک ماکییە.

٢-فاکتەری بۆماوەیی لە خێزان ڕۆڵ دەبینێت.

*نیشانەکان و دەست نیشانکردن:

-لە هەردوو ڕەگەز ( کچ و کوڕ) دەبینرێت.

ـ لە لای ڕاست ، چەپ ، یان هەردوو لا دەبێت.

ـ بە شێوەی هەڵئاوسان ( ئەستوربوون ) بە دیار دەکەوێت لە بەشی خوارەوەی سک.

لە کوردەواری خۆمان پێی دەڵێین ( بەر موسڵدان یان سەر موسڵدان ) ، یان لە لاتەنیشتەکانی ئەندامی دەرەوەی زاوزێ.

ـ زۆر جار تەنها لەکاتی گریان ،کۆخە ، پیکەنین،یان یاری کردن هەڵئاوسانەکە دەبینرێت.

ـ هەست کردن بە ئازار لە بەشی سەرەوەی ڕان یان سەرموسڵدان.

ـ دروست بوونی گرێ.

ـ ئەگەری دەرکەوتنی زیاترە لە منداڵە ناکامەکان ( زووتر پێش وادەی خۆیان لە دایک دەبن)، منداڵی داون، وە لەو منداڵانەی کە نەخۆشی یە بۆماوەیی یەکانی ماسولکەیان هەیە.

*چارەسەرکردن:

ـ چارەسەری فتق لە منداڵان بە نەشتەرگەری دەبێت لەژێر سڕکەری گشتی لە لایەن پزیشکی پسپۆڕی نەشتەرگەری.

ـ پێویستی بە خەواندن و مانەوە نابێت لە نەخۆشخانە، جگە لەو حاڵەتانەی کێشەی تری تەندروستیان هەبێت.

*ماکەکانی فتق:

١. ئازار لە کاتی ڕۆیشتن و یاری کردن بە هۆی گەورەیی فتقەکە .

٢ـ گیرانی فتق ، لە ترسناکترین حاڵەتەکانە ئەگەری ڕوودانی زیاترە لە منداڵی خوار یەک ساڵ و بە تایبەت تر لە( ٣) سێ مانگی یەکەمی تەمەن و لە منداڵە ناکامەکان.

لەوحاڵەتە بەشێک لە ڕیخۆڵە گیرژ دەخوات لە ناو کیسی فتقەکە، هەندێک جار بەشێک لە میزڵدان، زۆرێک لە کاریگەری لاوەکی لەسەر ژیانی منداڵ درووست دەکات.

ـ لە ڕەگەزی مێ ئەگەری گیرانی هێلکەدان هەیە لە ناو کیسی فتق .

*چۆن گیرانی فتق بناسرێتەوە:

١. گرێ ( ئەستوربوون) ەکی ڕەق،کە لە کاتی جوڵەو گریانی منداڵەکە گەورەو بچووک نابێتەوە.

٢.گریانی بەردەوام و ناڕەحەتی زۆر.

٣.کەمی ئارەزوو بۆ خواردن.

٤.قەبزی.

٥.سووربوونەوەو شین هەڵگەرانی پێستی سەر فتق.

٦.ڕشانەوە (ئەگەر کاتی گیرانەکە زۆر بێت ڕەنگی کەسک دەبێت).

ـ لە ئەگەری بوونی هەریەک لەونیشانانە لە منداڵێک کە فتقی هەبێت ( تەنانەت ئەگەر منداڵەکە پێشتریش نەزانرابێت فتقی هەیە بەڵام ئەم نیشانانەی هەیە)، پێویستە بە زووترین کات لە لایەن پزیشکی پسپۆری نەشتەرگەری ببینرێت بۆ دڵنیابوون لە حاڵەتەکەو دەست نیشانکردنی.

*چارەسەرکردنی فتقی گیراو:

ـ کاتێک نەخۆش زوو دەگەیەنرێت بۆ نەخۆشخانە و لەلایەن تیمی نەشتەرگەری منداڵان دەبینرێت ، ئەگەری گەڕاندنەوە ( بردنە ژوورەوە) ی فتقەکە زیاترە وە نەشتەرگەریەکە بە شێوەی سارد لە داهاتووەکی نزیک دەبێت بکرێت ، کە دەرئەنجامی زۆر باشترە، بەڵام لە ئەگەری درەنگ کەوتن و هەست نەکردن بە حاڵەتەکە، چانسی گەڕاندنەوەی فتقەکە زۆر کەم دەبێت و پێویستی بە نەشتەرگەری کت و پڕ دەبێت.

*ماکەکانی گیرانی فتق:

ڕەش بوون ( گانگرین) ی

١. ڕیخۆڵە لە هەردوو ڕەگەز.

٢.هێلکەگوون لە نێر.

٣. هێلکەدان لە مێ.

بە هیوای سەلامەتی بۆ منداڵە چاوگەشەکان.

بۆ زانیاری زیاتر و پەیوەندی کردن بەسکرتێری د.ھەدیە مھدی پسۆری بواری نەشتەرگەری منداڵان پەیوەندی بەو ژمارەیە بکەن

07501001842