نەخۆشی ئاوی ڕەش (زەختی چاو)چیە؟

ئەم نەخۆشیە دروست دەبێت لە ئەنجامی زیاد بوونی زەختی ناو چاو، بەهۆی کەم بونەوەی ڕێڕەوەکانی دەرچوونی ئاوی ناو چاو کە دەبێتە هۆی زیان گەیاندن بەو دەمارەی کە لە چاوەوە دەچێت بۆ مێشک.

نەخۆشی ئاوی رەشی چاو یەکێکە لەو نەخۆشیانەی کە درەنگ دەست نیشان دەکرێت چونکە نیشانەکانی دیار نین لە سەرەتاوە بەڵکو لە ماوەی چەند مانگێک بۆ چەند ساڵێک دەردەکەوێت،

کاتێک نەخۆش دێتە لای دکتۆر کە بەرە بەرە مەودای بینی کەم بووە بەڵام لەو کاتەدا زیانێکی زۆر بە دەماری چاو گەیشتووە.

بۆیە پێویستە هەموو کەس شەش مانگ جارێک پشکنینی چاو ئەنجام بدات.