کەمی ئارەزووی خواردن لە منداڵاندا (loss of appetite )

ئارەزووی خواردن لە منداڵاندا بەگوێرەی کۆمەلێک هۆکاری فسیولۆجی و جەستەیی گۆڕانکاری بەسەر دادێت بە درێژایی تەمەنی منداڵ کە گرینگترنیان بریتین لە :

١- کەمی ئارەزووی خواردنی فسیولوجی یاخود سرووشتی : منداڵ لە ماوەی ژیانی بە چەند قوناغێکی گەشە دا تێپەردەبێت پێی دەلێن (قوناغەکانی گەشەکردن) ، لەماوەی گواستنەوەی لە قوناغێک بو قوناغێکی تر هەروەها گوڕانکاری لە ئارەزووی خواردن ڕوو دەدات و دەبێتە هۆی کەمکردنەوەی ئیشتهای خواردن بۆ نمونە قوناغی ددان دەرکردن ، گاگۆلەکردن ، ڕۆیشتن ، قسەکردن ...

٢-هۆکارە جەستەیی یەکان :

نەخوشی جەستەیی یەکێکە لە هۆکارە سەرەکیەکان کە دەبێتە هۆی کەمبوونەوەی ئارەزووی خواردن لە منداڵاندا ، بۆ نمونە هەوکردنی گەروو ،هەوکردنی گوێچکە ، بەرزبوونەوەی پلەی گەرمی ، هەوکردنی سیەکان ، هەوکردنی ریخۆلە ، قەبزی ، توشبونی کرمی ریخۆلە ..

کەمخوێنی و کەمی رێژەی ئاسن ( یەکێکە لە هۆکارە باوەکان ) ، هەروەها کەمی ڤیتامینەکان ....

٣ -هۆکاری دەروونی : زور جار منداڵ ئارەزووی خواردنی لەدەست دەدات هۆکارەکەی دەگەڕێتەوە بۆ لایەنی دەروونی وەکو پەستی ، ترس و تۆقین ، خەمۆکی ، کێشەی ناو خێزان و خراپ مامەڵەکردن لەگەڵ منداڵ.

٤- هۆکاری تر:

١-خواردنی خواردمەنییە نا تەندروستەکان وەک شکوڵاتە ، جبس ، شەربەت و شیرینییە دەستکردەکان کە دەبێتە هۆی پڕکردنی گەدەی منداڵ هەست نەکردن بە برسیەتی و ڕەتکردنەوەی خواردنە تەندرووستەکان .

٢- زۆرکردن لە منداڵ بو خواردن : زورجار زۆرکردن لە منداڵ بۆ خواردن دەبێتە هۆی دروستبوونی جۆرێک لە عینادی لای منداڵ و ڕەتکردنەوەی خواردنێک بەتایبەتی یان خواردن بە گشتی.

٢-کەمی جوڵە: یەکێک لە هۆکارە گرینگەکانی کەمی خواردن بریتیە لە کەمی جوڵە و زۆر دانیشتن بە دیار ئامێرە ئەلیکترونیەکان و شاشەی TVو وەرزش نەکردن دەبێتە هۆی کەم سەرفکردنی ووزە لە ئەنجامدا کەمکردنەوەی خواردن لە منداڵان دا .

بۆ ئەوەی بزانین کە ئایا منداڵ بەگوێرەی پێوویست خواردن ناخوا یاخود ئەو خواردنەی دەیخوات کفایەتی هیچ کێشەی نیە پێوویستە منداڵ ببینرێت لە لایەن پزیشکی منداڵان و کێش و باڵای بپێورێت و گەشەی تەواوی منداڵەکە تاوتوێ بکرێت.

وە بەگوێرەی هۆکارەکەی چارەسەری پێوویستی بو بدۆزرێتەوە.

بە هیوای لەش ساغی بو منداڵە چاوگەشەکان.


پزیشکی پسپۆڕی منداڵان/بۆرد عەرەبی